Kenopanishad由誰奧義書梵文

Kenopanishad由誰奧義書梵文

 

First Part

1

keneṣitaṁ patati preṣitaṁ manaḥ kena prāṇaḥ prathamaḥ praiti yuktaḥ |
keneṣitāṁ vācamimāṁ vadanti cakṣuḥ śrotaṁ ka u devo yunakti || 1 ||

 

2

śrotrasya śrotraṁ manaso mano yad vāco ha vācaṁ sa u prāṇasya prāṇaḥ

cakṣuṣaścakṣuratimucya dhīrāḥ pretyāsmāllokādamṛtā bhavanti || 2 ||

 

3

na tatra cakṣurgacchati na vāg gacchati no manaḥ

na vidmo na vijānīmo yathaitadanuśiṣyāt

anyadeva tadviditādatho aviditādadhi

iti śuśruma pūrveṣāṁ ye nastad vyācacakṣire

 

4

yadvācānabhyuditaṁ yena vāgabhyudyate

tadeva brahma tvaṁ viddhi nedaṁ yadidamupāsate

 

5

yanmanasā na manute yenāhurmano matam

tadeva brahma tvaṁ viddhi nedaṁ yadidamupāsate

 

6

yaccakṣuṣā na paśyati yena cakṣūṁṣi paśyati

tadeva brahma tvaṁ viddhi nedaṁ yadidamupāsate

 

7

yacchrotreṇa na śṛṇoti yena śrotramidaṁ śrutam

tadeva brahma tvaṁ viddhi nedaṁ yadidamupāsate

 

8

yatprāṇena na prāṇiti yena prāṇaḥ praṇīyate

tadeva brahma tvaṁ viddhi nedaṁ yadidamupāsate

 

 

Second Part

1

yadi manyase suvedeti dabhramevāpi nūnaṁ tvaṁ vettha brahmaṇo rūpam

yadasya tvaṁ yadasya deveṣvatha nu mīmāṁsyameva te manye viditam

 

2

nāhaṁ manye suvedeti no na vedeti veda ca

yo nastadveda tadveda no na vedeti veda ca

 

3

yasyāmataṁ tasya mataṁ mataṁ yasya na veda saḥ

avijñātaṁ vijānatāṁ vijñātamavijānatām

 

4

pratibodhaviditaṁ matamamṛtatvaṁ hi vindate

ātmanā vindate vīryaṁ vidyayā vindate'mṛtam

 

5

iha cedavedīdatha satyamasti na cedihāvedīnmahatī vinaṣṭiḥ

bhūteṣu bhūteṣu vicitya dhīrāḥ pretyāsmāllokādamṛtā bhavanti

 

Third Part

1

brahma ha devebhyo vijigye tasya ha brahmaṇo vijaye devā amahīyanta

ta aikṣantāsmākamevāyaṁ vijayo'smākamevāyaṁ mahimeti

 

2

taddhaiṣāṁ vijajñau tebhyo ha prādurbabhūva tanna vyajānata kimidaṁ yakṣamiti

 

3

te'gnimabruvañjātaveda etadvijānīhi kimetadyakṣamiti tatheti

 

4

tadabhyadravat tamabhyavadat ko'sītyagnirvā ahamasmītyabra-bravījjātavedā vā ahamasmīti

 

5

tasmiṁstvayi kiṁ vīryamityapīdaṁ sarvaṁ daheyaṁ yadidaṁ pṛthivyāmiti

 

6

tasmai tṛṇaṁ nidadhāvetaddaheti tadupapreyāya sarvajavena tanna śaśāka dagdhuṁ sa

tata eva nivavṛte naitadaśakaṁ vijñātuṁ yadetadyakṣamiti
 

7

atha vāyumabruvan vāyavetadvijānīhi kimetadyakṣamiti tatheti

 

8

tadabhyadravat tamabhyavadat ko'sīti vāyurvā ahamasmītyabravīn-mātariśvā vā ahamasmīti

 

9

tasmiṁstvayi kiṁ vīryamityapīdaṁ sarvamādadīya yadidaṁ pṛthivyāmiti

 

10

tasmai tṛṇaṁ nidadhāvetadādatsveti tadupapreyāya sarvajavena

tanna śaśākādātuṁ

sa tata eva nivavṛte naitadaśakaṁ vijñātuṁ yadetadyakṣamiti

 

11

athendramabruvan maghavannetadvijānīhi kimetadyakṣamiti tatheti

tadabhyadravat tasmāttirodadhe

 

12

sa tasminnevākāśe striyamājagāma bahuśobhamānāmumāṁ haima-vatīṁ tāṁ hovāca kimetadyakṣamiti

 

 

Fourth Part

1

sā brahmeti hovāca brahmaṇo vā etadvijaye mahīyadhvamiti tato

haiva vidāṁcakāra brahmeti

 

2

tasmādvā ete devā atitarāmivānyān devān yadagnirvāyurindraste

hyenannediṣṭhaṁ pasparśuste hyenatprathamo vidāṁcakāra brahmeti

 

3

tasmādvā indro'titarāmivānyāndevān sa hyenannediṣṭhaṁ pasparśa sa

hyenat prathamo vidāṁcakāra brahmeti

 

4

tasyaiṣa ādeśo yadetadvidyuto vyadyutadā itīnnyamīmiṣadā ityadhidaivatam

 

5

athādhyātmaṁ yadetadgacchatīva ca mano'nena caitadupasmaratyabh

īkṣṇaṁ saúkalpaḥ

 

6

taddha tadvanaṁ nāma tadvanamityupāsitavyaṁ sa ya etadevaṁ

vedābhi hainaṁ sarvāṇi bhūtāni saṁvāñchanti

 

7

upaniṣadaṁ bho brūhītyuktā ta upaniṣad brāhmīṁ vāva ta upaniṣadamabr

ūmeti

 

8

tasyai tapo damaḥ karmeti pratiṣṭhā vedāḥ sarvāûgāni satyamāyatanam

 

9

yo vā etāmevaṁ vedāpahatya pāpmānamanante svarge loke jyeye

pratitiṣṭhati pratitiṣṭhati